Изградбата на фотоволтаични електрани е хит во производството на електрична енергија насекаде низ светот. Поедноставната изведба во споредба со електраните на други обновливи извори ги прави популарни и како бизнис инвестиција и како решение за сопствена потрошувачка.
ФЕРО ИНВЕСТ досега има изградено три фотоволтаични електрани на земја за свои потреби, и повеќе кровни инсталации на своите фабрички хали со вкупна инсталирана моќ од 17.5MW, како и електрани со вкупна инсталирана моќ од 83.6MW за свои клиенти.
ФЕРО ИНВЕСТ е единствена компанија на македонскиот пазар која нуди комплетни решенија за изградба на фотоволтаични електрани: од почетна идеја, преку изведба, одржување на електраната и обезбеден откуп на електричната енергија во иднина.
Во рамките на групацијата ФЕРО ИНВЕСТ и другите сестрински компании, успешно функционираат различни служби и фирми кои квалификувано го водат инвеститорот низ сите фази на проектот:
– Правна служба која го советува и му асистира на клиентот низ сите административно – урбанистичко-правни постапки (потреби од урбанистички проект, основен проект, градежна дозвола, сопственост на земјиште, сопственост на кров итн.);
– АКВАВАТ – проектантско биро специјализирано за проектирање на обновливи извори на енергија;
– БРАКО – изработува метални конструкции и електро елементи по барање на Феро Инвест;
– ЕМС (Energy Maintenance Solution) – го изведува проектот на терен и во иднина се грижи за неговото оддржување преку 24-часовен мониторинг систем, со цел електраната непрекинато да произведува,
– РЕС (Renewable energy supply) – го гарантира откупот на произведената електрична енергија, што се очекува во скоро време да стане најголем проблем со оглед на зголеменото градење на фотоволтаични електрани и зголеменото производство на струја од нив во исто време кај сите капацитети. ФЕРО ИНВЕСТ при откупот на електричната енергија во иднина ќе даде предност на електраните изградени од негова страна. ФЕРО ИНВЕСТ гарантира решение во најбрз рок и со најквалитетни компоненти од највисока енергетска класа ААА за изградба на фотонапонски електрани, а со своето портфолио од над 100 милиони евра, компанијата нуди сигурност за секој инвеститор.