Менаџмент

Проф. д-р Кочо Анѓушев е приватен бизнисмен и поранешен вицепремиер во Владата на Република Северна Македонија, универзитетски професор и филантроп.

Од 2017 до 2020 година ја извршуваше функцијата заменик претседател на Владата, задолжен за економски прашања.

Од 2000 до 2002 г. беше заменик генерален директор за производство во државната компанија за производство на електрична енергија на Македонија (ЕСМ).

Во 2003 година, д-р Анѓушев го основа Феро Инвест, една од најголемите компании во македонското стопанство и водечка во својот сектор.

Од 2004 година, проф. д-р Анѓушев е активен член, а потоа и заменик претседател на Стопанската комора на Северна Македонија. Претседател е на Македонската енергетска асоцијација во рамките на Комората.

Проф.д-р Кочо Анѓушев е редовен професор на Машинскиот факултет на Универзитетот „Св. Кирил и Методиј“ во Скопје.

Тодор Анѓушев е ко-сопственик во ФЕРО ИНВЕСТ и ЕМС, и управител во фирмите на нашата групација: биогасна електрана Био Ентерпрајс,  ЕМС ДОО (Energy Maintenance Solutions) и  МХЕ (Мали Хидро Електрани).

Toj e член на управниот одбор на Стопанската комора на Северна Македонија и претседател на Групацијата за обновливи извори на електрична енергија која функционира во рамките на комората.

Како одговорно лице директно учествува во изградба, пуштање во употреба, работење и одржување на повеќе од 50 мали хидро електрани во Северна Македонија, Грузија, Косово и Црна Гора, над 50 фотоволтаични електрични централи и една биогасна електрана.

Од 1999 до 2010, како дипломиран електро-инженер, Тодор Анѓушев работел на раководни и одговорни позиции во Секторите за релејна заштита во двете најзначајни државни енергетски компани, МЕПСО и ЕСМ – Електростопанство на Македонија.

Тодор Анѓушев е автор на повеќе стручни трудови и има одржано голем број на предавања поврзани со обновливите извори на електрична енергија и електро-енергетиката.

Филип Андрески е менаџер за истражување и развој во ЕМС (Energy Maintenance Solutions), компанија во рамките на групацијата Феро Инвест.
Како машински инженер, од 2011 е непрекинато ангажиран на различни функции во компании во рамките на групацијата и е активно вклучен во планирање, проектирање и реализација на голем број на проекти за обновливи извори на енергија.
Специјалност му се дизајнот на хидраулични турбини, управување со проекти, изработка на физибилити студии и длабинска анализа на проектите.

Игор Петроски е менаџер на секторот за набавки во рамките на групацијата Феро Инвест.
Како дипломиран машински инженер, во 2006 започнува со работа во групацијата, најпрво како референт во одделот за набавки, а потоа од 2020 и како менаџер на секторот за набавки.
Со своето искуство и стекнато знаење раководи со постапките за набавка и логистика, поврзани пред се со опрема и материјали наменети за различни типови на електрани базирани на обновливи извори на енергија.

Јасминка Аневска е менаџер за човечки ресурси и корпоративни комуникации во групацијата Феро Инвест.

Taa има дипломирано на Интердисциплинарните студии по новинарство и магистрирано Менаџмент на човечки ресурси на Универзитетот Св. Кирил и Методиј во Скопје. Во својата кариера работела како новинар, уредник и водител на информативните програми во повеќе национални ТВ куќи, по што преминува на местото шеф на кабинет и советник за односи со јавност на Генералниот директор на државното претпријатие за производство на електрична енергија, АД ЕСМ.

Со своето претходно работно искуство, Аневска во Феро Инвест придонесува за значајно презентирање на нашата компанија во јавноста, промоција на нашата работа и производи, на општествената одговорност која е составен дел на корпорацискиот бренд, и адресирање во јавноста на предизвиците со кои се соочува индустријата.

Во делот на човечките ресурси континуирано се работи на подобрување и оптимизација на извршувањето на обврските, како и зголемување на задоволството и на двете страни од работниот процес – работодавач и работник.

Александар Илиоски е менаџер на ИТ секторот во групација Феро Инвест.

Како дипломиран информатички инженер, за администрација на компјутерски мрежи и безбедност, го води ИТ секторот од 2018 година.

Покрај неговото искуство специјализирано за мрежна и серверска инфраструктура,  дел од неговите главни задачи се:  виртуелизација, cloud сервиси, endpoint заштита,  контрола и управување на напредна генерација на FireWall, IPSec тунели, APN  и останати WAN / LAN  мрежни сегменти.

Тој е одговорен и за подобрување на ИТ процесите во групацијата, управување на проекти од неговата област,  развивање на нови политики за безбедност, имплементација на backup и disaster стратегии.

Од голема важност е и координацијата на ИТ задачите кои ги остварува секторот, за да се обезбеди максимална достапност и целосна функционалност на апликациите кои се користат во групацијата.

Стефан Кецкаровски е менаџер на правниот сектор во рамките на групацијата Феро Инвест, кој го раководи од 2016 година.
Тој е магистер за меѓународно право и меѓународни односи, а со своето искуство и стекнато знаење успешно ги координира активностите поврзани со сите правни прашања во сите компании во рамките на групацијата.
Специјалност му е правната област поврзана со енергетиката и градежништвото на електрични централи од обновливи извори на енергија.

Крсте Илијески е менаџер на секторот за соларна енергија во компанијата EMS (Energy Maintenance Solutions), компанија во рамките на групацијата Феро Инвест.
Како електро инженер за енергетско управување и менаџмент, од 2018 година непрекинато е ангажиран на различни работни места во ЕМС, а од 2021 година станува менаџер на секторот за соларна енергија.
Со негово директно учество групацијата Феро Инвест и компанијата ЕМС со успех реализираа многубројни проекти за изградба и пуштање во употреба на фотоволтаични електрани со кои се допринесува за поголема енергетска независност на земјата.